A faba de Lourenzá
A faba de Lourenzá é unha das xoias da gastronomía galega, cunha calidade culinaria sobresaínte.
Hai constancia do seu cultivo xa no século XVIII, converténdose desde entón nun dos principais produtos en feiras e mercados galegos.
Coñecida tamén como Faba Galaica, o seu cultivo esténdese pola zona costeira da Mariña lucense e abrangue varios concellos… Probablemente o apelido provén do mercado da localidade lucense de Lourenzá.
Son o produto duns chans moi favorables para o seu cultivo e unhas condicións climáticas propicias, con chuvias moderadas e temperaturas suaves.
Trátase dun gran brillante, con forma de ril, polpa tenra e pel moi fina, que lle outorgan unha agradable textura e un peculiar sabor.
O proceso de produción é artesanal, con varias labras de tempada e empregándose aínda técnicas tradicionais no seu cultivo. Recóllense cando comeza a secar, seguindo un rigoroso proceso de selección, almacenamento e conservación.
Ten múltiples beneficios para a saúde: baixo contido en graxa e ricas en proteínas, hidratos de carbono, fibra, minerais e vitaminas.
É a única legume galega que goza de Indicación Xeográfica Protexida, desde o ano 2008.
Só se permite a utilización deste contido noutros sitios web enlazando coa nosa url, mencionando como fonte comesaudable.
© Comesaudable, Madrid 2020. Aviso legal
