CASTELLANO

 

O caqui é unha froita tipicamente de outono, que aínda non goza da popularidade doutros produtos de tempada. Coñecido nalgúns lugares como palosanto, porque adoitaba madurar a partir do 1 de novembro, a súa época é máis breve que a dos cítricos ou mazás.

O caqui é unha froita tropical que ten diferentes variedades, as principais son: o da China, o de Xapón e o americano. O máis cultivado é o da China, que adoita pesar de 80 a 250 g, cunha cor vermella, alaranxada ou amarela, polpa zumarenta e doce e un lixeiro regusto áspero.

Outra variedade é o persimón, que ten unha polpa máis firme. Diferéncianse no seu punto de madurez. O clásico colléitase maduro e comercialízase como está, o persimón colléitase semimaduro e debe ser sometido a un tratamento de desastrinxentado (para eliminar esa sensación areosa e seca que se produce cando, por exemplo, mordemos un marmelo).

Procedente da China, onde xa se cultivaba no século VIII d.C., introdúcese primeiro nos Estados Unidos e, posteriormente, en Europa, xa no século XIX.

A súa tempada comeza en outubro-novembro e remata en febreiro-marzo, dependendo da variedade.

Recoméndase compralos maduros, que conserven caule e casquete. Abonda con partilo horizontalmente e comelo con culler. Vai moi ben en ensaladas e tortas, espetadas de froitas de tempada ou unha macedonia caseira.

Beneficios nutricionais

Destaca o seu alto contido en auga, a importante cantidade de hidratos de carbono e o seu valor calórico, comparado con outras froitas. Pola contra, a súa achega de fibra, graxas e proteínas é escasa.

A respecto das vitaminas, destaca o seu contido en vitamina A, C e minerais, como o potasio e, en menor proporción, calcio, fósforo e ferro.

 

Só se permite a utilización deste contido noutros sitios web enlazando coa nosa url, mencionando como fonte comesaudable.
© Comesaudable, Madrid 2019. Aviso legal

(Visited 61 times, 1 visits today)