CASTELLANO

 

A produción de mel ten unha longa tradición en Galicia e distínguese pola súa gran calidade.
Empregábase tradicionalmente como edulcorante e polas súas propiedades medicinais. Era un produto que estaba presente nas feiras que se celebraban no outono, xa que era un alimento estacional que se recollía unha vez por ano.

O clima, morno e chuvioso, e os solos graníticos deron lugar en Galicia a unha flora rica e variada que permite a elaboración de diferentes tipos de mel. Así, dependendo das flores (unha ou varias), o mel terá diferentes sabores, cores e texturas. Milflores é, sen dúbida, o máis abundante en Galicia. A respecto dos saborosos meles monoflorais, destacan os que proceden da flor do eucalipto e o salgueiro, nas zonas costeiras, e os que proceden das flores do castiñeiro, a silva ou as queirogas, no interior.

Produto natural e fresco, goza de Indicación Xeográfica Protexida, selo de garantía que avala a súa gran calidade. O mel pode atoparse facilmente en calquera época do ano nas feiras e mercados de calquera localidade desta comunidade.

 

Só se permite a utilización destecontidonoutros sitios web enlazando coa nosaurl, mencionando como fontecomesaudable.
© Comesaudable, Madrid 2020.
Aviso legal

(Visited 7 times, 1 visits today)