CASTELLANO

 

A Fundación Española da Nutrición (FEN), en colaboración coa Asociación de Legumistas de España (ALE), realizou unha Declaración sobre os legumes que recolle os aspectos máis importantes para a nosa saúde e a súa repercusión na sostibilidade do planeta e na loita contra o Cambio Climático. É unha lectura máis que recomendada e agardamos que sirva para que o consumo dos legumes siga en aumento.

  1. Os legumes forman parte esencial da tradicional Dieta Mediterránea e é importante recuperar o seu consumo, como está a ocorrer desde o ano 2015, cun 7,6 % de aumento, aínda que polo momento lonxe das recomendacións. Aínda máis, tendo en conta que se trata dun grupo de grande interese nutricional, de acordo coa evidencia científica dispoñible.
  2. Os legumes de gran (lentellas, chícharos, feixóns, garavanzos, etc.) contan cun bo contido en proteínas (20-30 %), un alto contido en hidratos de carbono (30-60 %), maioritariamente complexos, e baixo contido en graxa (1-5 %).
  3. Ademais de ser unha importante fonte de proteínas e hidratos de carbono complexos, achegan tamén fibra, minerais (K, P, Ca, Mg, Fe, Zn, Se, Cu e Mn, entre outros), vitaminas (destacando as do grupo B e a E) e distintos compostos bioactivos.
  4. O seu alto contido en proteínas fai que os legumes sexan a principal fonte de proteína vexetal. Ademais, a calidade nutricional da proteína pode aumentar mediante a complementación proteica con cereais e/ou con cantidades pequenas de carne ou peixe.
  5. Son moi axeitados para deportistas, grupos de poboación vulnerables e distintas situacións fisiolóxicas: nenos, adolescentes, mulleres xestantes e lactantes e adultos maiores.
  6. Polos seus compoñentes bioactivos, destacan os seus efectos potencialmente beneficiosos na prevención e no tratamento das enfermidades cardiovasculares, a diabetes ou o cancro, así como para un envellecemento saudable.
  7. Son de fácil almacenamento e transporte, por non precisaren procesado nin refrixeración para a súa conservación.
  8. Os legumes son un cultivo sostible e dun perfil ambiental excelente. Precisan escasa cantidade de auga, son resistentes ás secas e ás xeadas, emiten pouco CO2 na súa produción e fixan nitróxeno ao solo, aumentando a fertilidade.
  9. Os legumes non teñen unha estación fixa, poden formar parte de cocidos tradicionais e pratos de culler; pratos lixeiros e refrescantes, como ensaladas ou cremas frías, purés ou, incluso, en aperitivos como o humus. En todas as súas variedades e posibilidades de preparación son aptas para calquera inxesta do día, e son un factor clave para modular axeitadamente o resto de nutrientes que incluamos para conseguir unha dieta equilibrada.
  10. A recomendación dos expertos é consumir entre 3 e 4 racións por semana, durante todo o ano. Os legumes son tendencia nutricional e os grandes chefs de todo o mundo utilízanas para conseguir pratos de alto valor gastronómico, saudables e sostibles.

Fuene: gastronomiaycia

https://gastronomiaycia

(Visited 6 times, 1 visits today)